Winter?

---

Wie ii heut' früa am Fenschder kauer,
erfasst mich gladd an kalder Schauer.
Raureif bäbbt uff älle Kärra,
jetzd miass m'r morgends doch no' schärra!

D'rbei hodd m'r au' so gnuag z'gratze,
viele god's guad, dia lassed's fatze,
doch manche hend's halt nedd so schee,
dia henn's em Greiz ond Schädlweh.

Dia Vegel drauße hopfed romm,
dia juchzgad ond deen garned fromm,
ond suachad äbbas z'Fressa,
deen Wender kasch vorgesse.

Jetzd kommt die scheene Frialengszeid,
wo's wieder Krokus' ond Narzisse geid!
Dann deen dia Gnoche nemme weh,
ond d'Sonn scheint au', ach isch dees schee!!


18.02.07/w.p.