Oder: Scho‘ wieder?


Wenn noch d’r erschda Heiad
Dia Kiah no‘ wiederkäued
D‘ Kender Liadla senged
Dia Nabus wieder sprenged
‘S Bestimma macht viel Kommer
No isch au‘ wieder Sommer.

M’r morgens gerner wacht
Weil friher rom isch d’Nacht
Oin d’Ärbet wieder g’freit
Ond D’Mögets hot ihr Zeit
A Ma‘ denkt: „Deesch an Brommer!“
Grad no, genau isch Sommer.

Wenn‘s bliat an alle Egga
Ond hoiß isch zom ver....zwatzla
M’r kurze Hosa treggt
Ond ‘s Woiza wieder schmeggt
No woiß a jeder Frommer
So isch es halt em Sommer.

Dia Vädder dirfed grilla
Ond freiad sich em Stilla
Weil d’Fraua henn parat
Aus Kartoffla en Salat
Ond den mit viel Gogommer
So, endlich isch jetzt Sommer.

Wenn noch ‘ma starka Rega
M‘r wieder schnaufa ka‘
D‘rnoch die Landschaft dampft
D‘r Sauerampfer ampft
No woiß jetz‘ jeder Dommer
‘S isch wieder amol Sommer!


2009_05_08/w.p.