Oder: Endlich wieder durchschnaufa!

Orascheniche Blätter
ond au‘ ganz grea ond rot,
so leichtet’s bei dem Wetter,
wenn bald d’r Wender droht.

Noi, noi, dees isch koi Sterba!
No gruabet älle Leit,
‘s macht Platz grad für a herba
ond kalda Wenderzeit.

Jetzt ka‘ m‘r wieder schnaufa,
‘s isch älles net so hoiß,
guat, regna wird’s en Haufa,
Doch dees brengt oin en’s Glois.

Woisch, bollawarm isch nix für mi‘,
i‘ mog’s gern äbbes kialer,
doch Schnee ond fahra mit de Schi?
Noi, em Sport ben i‘ an Drialer.

So zwanzich Grad des isch mei Deng,
do kasch mit mir was hann,
do schaff‘ i‘ doppelt, aber reng!
Au‘ d’Laune hebt sich dann.

Em Frialeng blüaht die Welt so schee,
Em Herbscht d’r bonte Wald,
Sommer ond Wender machet’s hee,
mit Hitz‘ ond zapfa kalt.

Jetzt kommt mei Herbscht, wie froh i‘ be!
Der ka‘ mi‘ net verschrecke
und isch no‘ Wender mit viel Schnee,
....kasch mi‘ em Frialeng wegga!!


08.10.2009/w.p.