Oder: Hemdenbügeln

I‘ denk an Rainer Siegle,
der jetzt am Chiemsee stoht.
„I‘ gang jetzt nauf, ich biegle“
So secht mei‘ Frau ond goht,

Er musst‘ a bös’s Greiz trage,
doch wird’s au‘ wieder guad!
(Mei‘ Frau isch scho‘ am Kraga,
wie dui schnell biegla duad!)

Und heut‘ isch er weit fort zur Kur,
zuerst hieß’s, er muaß netta.
(sie biegelt los in einer Tour,
grad macht se die Manschetta)

Bald kann er sich au‘ wieder bigga
ond schaffa bis er müd‘ und matt
(jetzt gleidet ‘s Eisa übern Rigga
ha wa, des wird jo fatzaglatt)

Des wär‘ halt g’schickt, wenn m’r so g‘schwend
Leut‘, dia m’r nedich braucha dät,
so oifach wieder strecka könnt‘
mit einem Rücken-Bügel-Dampf-Gerät.


08.12.2008 / w.p.