Oder: Au‘ scho‘ wieder

Vorne zwackt’s on henda zwickt’s
dia Knocha werdat mender,
dort duat’s ziaga ond do drückt’s,
i ahn: ‘s isch wieder Wender.

No hole halt mei‘ Schaufel ruff
ond ‘s Streiguat au‘ d’rzua,
dues Trottwar fega na ond nuff,
i hann vorh‘r eh‘ koi Ruah.

Schonscht hagelt m’r no äbber na
ond ‘s haut en uff da Meggl,
so was ka‘ weh dua, liaber Ma‘,
ond i ben no d’r S....chuldige.

De Kender schmeißet vor em Haus
Schneeballa hin und her.
Für mi‘ isch d’Kälte grad a Graus,
wenn’s no no‘ Sommer wär!

Von drenna gucken, des isch schee,
so bleib i jetzt grad hogga,
ond guck m’r Welt a, mit dem Schnee,
mi‘ ka‘ do nix nauslocka.

Doch:

Wenn d‘ Leit sich ananander drenget
ond en Glühwei‘ hosch em Maga,
beim Weihnachtsmarkt dia Kender sengat
no lässt sich d’Kält ertraga.

26.11.2010/w.p.